கேன்ஸ் திரைப்பட விழாவில் தமிழ் குறும்படம்

         பிரபல கலை இயக்குனர் பிரபாகரன் இயக்கியுள்ள 'அம்மா' என்னும் குறும்படம் கேன்ஸ் திரைபட விழாவில் பங்கேற்க தேர்வாகியுள்ளது.

    15 ஆண்டுகளாக 60 க்கும் மேற்பட்ட திரைப்படங்களில் கலை இயக்குனராக பணியாற்றியுள்ள பிராபாகரன் முதல் முறையாக அம்மா என்னும் குறும்படத்தை இயக்கியுள்ளார். எழுத்தாளர்   புஷ்பா தங்கதுரை எழுதிய சிறுகதையை மையமாக‌ கொண்டு இந்த குறும்படத்தை இயக்கியுள்ளார்.இந்த குறும்படம் கொடைக்கானலில்  படமாக்கப்பட்டுள்ளது.

இந்த குறும்படத்திற்கு இசைஞானி இளையராஜா இசையமைத்துள்ளார்.சர்வதேச குறும்படம் ஒன்றுக்கு இளையராஜா இசையமைத்துள்ளது இதுவே முதல் முறை. பியானோ,வயலின் போன்ற இசை கருவிகளை பயன்படுத்தி சர்வதேச தரத்தில் பின்னணி இசை அமைந்துள்ளது குறிப்பிடத்தக்கது.
மைனா படத்தின் ஒளிப்பதிவாளர் சுகுமார் ஒளிப்பதிவு செய்துள்ளார்.
  கொடைக்கானலில்வசித்து வரும் ஆங்கில அமெரிக்கரான மார்க் ஆந்தோரபஸ் ஃபாதர் டேனியலாக‌ முக்கிய பாத்திரத்தில் நடித்திருக்கிறார்.மைனா படத்தில் நாயகியின் சிறுவயது தோற்றத்தில் நடித்த சிறுமி அர்ச்சனா, முல்லி என்னும் பாத்திரத்தில் நடித்துள்ளார்.

  கேன்ஸ் திரைப்பட விழா 20011ல் பங்கேற்க‌ தேர்வாகியுள்ள இந்த குறும்படம் மாஸ்கோ திரைப்பட விழா,சிக்காகோ திரைப்பட விழா,ஆர்லான்டோ திரைப்பட விழா உள்ளிட்ட சர்வதேச விழாக்களிலும்  பங்கேற்க உள்ளது.

 பிரபாகரன் கலை  இயக்கத்திற்காக தமிழ‌க அரசின் விருதை இரண்டு முறையும் ,மேலும் பல விருதுகளையும் வென்றுள்ளார்.